Kanadaja pritet të dekriminalizojë kokainën, metamfetaminën dhe ekstazinë
Nga OraNews Përditësimi i fundit 1 Qershor 2022, 20:06
Kanadaja ka njoftuar se do të dekriminalizojë përkohësisht posedimin e sasive të vogla të disa drogave të paligjshme në British Columbia.
Provinca kërkoi përjashtimin nga kodi penal pasi mbidozat morën më shumë se dy mijë jetë në vitin e kaluar. Ky provë tre-vjeçare me kohë të kufizuar është e para e këtij lloji në Kanada.
Të rriturit do të lejohen të posedojnë një total prej 2.5 gramë opioidësh, kokainë, metamfetaminë dhe ekstazi.
Ndërsa këto substanca do të mbeten të paligjshme, të rriturit që gjenden në posedim për përdorim personal nuk do të arrestohen, akuzohen ose do t'u sekuestrohet droga.
Në vend të kësaj, atyre do t'u ofrohet informacion mbi shërbimet shëndetësore dhe sociale të disponueshëm.
Në kërkesën e saj drejtuar qeverisë federale vitin e kaluar, British Columbia tha se kërkoi përjashtimin nga ligjet e drogës në mënyrë që të heqë “turpin” që shpesh i pengon njerëzit të kërkojnë ndihmë për të shpëtuar jetën.
Ministrja federale e shëndetit mendor dhe varësive, Carolyn Bennett tha të martën se për shumë vite, kundërshtimi ideologjik ndaj reduktimit të dëmit ka kushtuar jetë.
"Ne po e bëjmë këtë për të shpëtuar jetë, por edhe për t'u dhënë njerëzve që përdorin drogë dinjitetin dhe zgjedhjet e tyre."
