Tiranë, 42-vjeçari me probleme të shëndetit mendor i vë zjarrin banesës, asfiksohet
Nga OraNews Përditësimi i fundit 26 Maj 2022, 22:47
Një 42-vjeçar me probleme të shëndetit mendor mbeti i asfiksuar nga tymi pasi i vuri zjarrin banesës.
Ngjarja ka ndodhur rreth orës 22:05, në rrugën "Memo Meto". Shtetasi I. A, i cili dyshohet se vuan nga probleme të shëndetit mendor, i ka vënë zjarrin banesës së tij.
Në vendngjarje kanë kaluar shërbimet e Policisë dhe zjarrfikëset, të cilat kanë bërë të mundur fikjen e zjarrit dhe nxjerrjen e tij nga banesa.
Shtetasi I. A. si pasojë e asfiksisë është dëmtuar dhe po merr ndihmën e parë mjekësore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
