Aksidenti tragjik në Kryebushat: Viktimat një burrë dhe një grua, turistë polakë. Policia ka në dorë provën kyçe
Nga OraNews Përditësimi i fundit 6 Maj 2022, 13:13
Rreth orës 11:20, në rrugën nacionale Shkodër - Lezhë, në vendin e quajtur “Kryebushat” të Shkodrës, një automjet tip “Volkswagen”, me drejtues shtetasin D. Gj., 27 vjeç, është përplasur me një motomjet, në të cilin udhëtonin 2 shtetas të huaj polakë (turistë).
Si pasojë e përplasjes kanë ndërruar jetë drejtuesi i motomjetit, shtetasi Waldemar Makowski 45 vjeç dhe pasagjerja në motomjet, shtetasja Marta Makowska 42 vjeçe.
Drejtuesi i automjetit, shtetasi D. Gj., është shoqëruar në Komisariatin e Policisë Shkodër, për veprime të mëtejshme procedurale. Nga kryerja e alkool-testit ndaj drejtuesit të automjetit, shtetasit D. Gj., ka rezultuar se nuk kishte konsumuar alkool.
Grupi hetimor ndodhet në vendngjarje dhe po kryhen veprimet për sqarimin e rrethanave të aksidentit.
Gjithashtu është gjetur dhe kamera e instaluar në motor që pritet të ekzaminimin e pamjeve që do të verifikojnë se si ka ndodhur aksidenti.
