Mbetjet e kafshëve, banorët e fshatit Valare në Gjirokastër: Kasollet i kemi pranë
Nga Entjola Budo Përditësimi i fundit 25 Mars 2022, 20:49
Banorët e fshatit Valare në Gjirokastër japin alarmin se mbetjet e bagëtive po bëhen shkak për shfaqjen e epidemive në këtë fshat.
Ata ankohen se disa prej banorëve kanë ndërtuar kasolle pranë objekteve të banimit.
Shqetësimi i tyre deri më sot, nuk ka gjetur "shërim" tek asnjë institucion ndonëse apelet kanë qenë të shumta.
Problemi i 1500 banorëve të këtij fshati është fakti se disa prej tyre kanë ndërtuar stallat e bagëtive pranë objekteve të banimit ku grumbullojnë edhe mbetjet.
"10 metra larg shtëpisë time, nuk hap dot dyer e dritare. Kam vajzën alergjike. Ka 30 vjet."
"Jemi ankuar shumë herë, do ta heqim sot, do ta heqim nesër, asgjë nuk bëhet."
