Shkodër: Atentati ndaj Bajrit në sy të nënës së tij, autorët me makinë me targa të vjedhura
Nga OraNews Përditësimi i fundit 10 Mars 2022, 12:19
Makina në foto besohet se u përdor në atentatin ndaj Admir Bajrit mbrëmjen e së mërkurës, 9 mars 2022, në Shkodër ku ai mbeti i plagosur.
Mjeti tip Benz mban targën AA066PZ e cila rezulton e vjedhur në Tirane më datë 27 Gusht të vitit 2020.
Autorët e dyshuar përdorën këtë mjet për tu larguar nga vendngjarja në Lagjen Dobraç të Shkodrës.
Admir Bajri u sulmua në makinën e tij pranë një supermarket në një kohë kur ishtë bashkë me nënën e tij!
Autorët I kishin bënë prite dhe zbrazën ndaj tij breshëri kallashnikovi.
38-vjeçari mbeti I plagosur dhe ende po trajtohet në Spitalin e Shkodrës, ndërsa e ema nuk u prek nga plumbat!
Sulmi ndaj Admir Bajrit, që riktheu në kryeqendrën e veriut hijet e përplasjeve mes fiseve dhe grupeve në kryeqendrën e veriut ka vënë në alarm policinë e Shkodrës.
Ekspertët mësohet se kanë sekuestruar pamjet e kamerave të sigurisë së disa bizneseve në zonë me qëllim identifikimin e autorëve.
Disa persona ndërkohë janë marrë në pyetje në cilësinë e dëshmitarit.
Por deri më tani atentatorët e Admir Bajrit mbeten të lirë.
Makina që dyshohet se u përdor në atentat
