Drogë nga Shqipëria në Itali, 42 masa arresti, Operacioni i SPAK në Vlorë, Tepelenë, Durrës, Tiranë e Lezhë
Nga OraNews Përditësimi i fundit 10 Mars 2022, 09:20
Një operacion antidrogë i SPAK dhe drejtorisë së policisë është duke u zhvilluar në disa qytete të vendit. Mësohet se janë ekzekutuar 42 masa arresti me akuzat e trafikut të lëndëve narkotike drejt Italisë. Operacioni është duke u zhvilluar në Vlorë, Tepelenë, Durrës, Tiranë dhe Lezhë.
Gazetarja e Ora News, Keti Banushi raporton se janë hetime të përbashkëta mes Shqipërisë dhe partnerëve ndërkombëtarë.
Në rastin konkret hetimet po zhvillohen mes Italisë dhe Belgjikës. Më herët një grup prokurorësh belgë kanë qenë në Shqipëri ku kanë kryer disa hetime dhe kanë marrë disa persona në pyetje duke zbatuar letër-porositë. Operacioni i sotëm dyshohet se është në vazhdën e këtij operacioni.
Janë 42 masa që ka kërkuar Prokuroria e Posaçme dhe janë miratuar. Ende nuk jepen emra pasi nuk janë ekzekutuar të gjitha masat.
Bëhet fjalë për një linjë të trafikut të lëndëve narkotike që e ka pasur bazën në Shqipëri nga informacionet paraprake. Përgjimet e shumta kanë arritur në përfundim që 42 personat janë të përfshirë në trafikun e lëndëve narkotike.
NJOFTIMI I SPAK
Dokumenta bashkëngjitur
