Tirana “shtyp” edhe Skënderbeun. Partizani triumfon me Teutën (FOTO)
Nga OraNews Përditësimi i fundit 5 Shkurt 2022, 18:44
Tirana nuk di të ndalet në Abissnet Superiore. Bardheblutë dhanë një tjetër shfaqje në “Air Albania” teksa mposhtën Skënderbeun me rezultatin bindës 3-2.
Për skuadrën e Shehit ishte gjithçka e lehtë, një dominim total teksa që në fraksionin e pare të lojës gjetën 2 herë rrjetën me të përhershmin Seferi në 16’ dhe në 43’ me Limajn.
Me të nisur fraksoni i dytë i ndeshjes, Tirana gjen edhe golin që vë në kasafortë fitoren në 50 me Devid dhe minutat e tjera janë një menaxhim i lojës. Gjithsesi Skënderbeu gjen golin e pare në 68’ me Zguron dhe ndeshja duket se hapet. Korçarët insistojnë dhe deri në fund arrijnë të shënojnë sërish pas 6 minutash shtesë me Mensah por sfida mbyllet 3-2.
Tirana tashmë pret e qetë ndeshjen e Laçit me Vllazninë teksa ngjitet në kuotën e 43 pikëve.
Ndërkohë Partizani jep një përgjigje të fortë ndaj kritikave për rezultatet e fundit teksa dominon 4-0 Teutën në shtëpinë e këtyre të fundit.
Kur dukej se me Arapin në stol, durrsakët kishin gjetur qetësinë, të kuqtë u dhanë një leksion të vërtetë duke fituar thellësisht 4-0.
Me të nisur ndeshja pas 2 minutash, Skuka menjëherë shënon për miqtë të cilët marrin zemër dhe në 28’ dyfishojnë me Carën.
Në pjesën e dytë, Teuta e ka të vështirë të reagojë dhe sërish Partizani provon të mbyllë ndeshjen kur në 60’ Sota me kokë shënon dhe golin e tretë. Ndeshja nuk ka më histori teksa ka vend edhe për një gol në 94’ për të kuqtë që largohen me 3 pikë shumë të rëndësishme nga Niko Dovana.
/Ora News/
