Tri pikë të arta për Kastriotin, rikthehet kriza te Dinamo

Java e 19-të e Superiores menjëherë nis me rezultate befasuese. Dinamo e cila priste të ngrihej në ndeshjen me Kastriotin, mori një humbje të rëndë duhet thënë që krijon një situate krejt tjetër në kampionat. Krutanët mposhtin 2-0 ekipin e Shkëmbit duke i futur tashmë edhe ata në vallen e mbijetesës ku lufta po bëhet e ashpër mes 4 ekipeve.

Kryeqytetasit e nisën mirë takimin duke krijuar më shumë raste se vendasit por gjithsesi pjesa e pare mbyllet pa gola.

Në fraksionin e dytë menjëherë krutanët gjejnë rrjetën me Bedri Grecën pas një asisti nga Edon Hasani teksa Dinamo përgjigjet 6 minuta më pas me Denisson që rrezikon me një gjuajtje.

Dinamo shton presionin dhe i afrohet shumë golit të cilin në fakt e gjejnë sërish vendasit në 68’ sërish me Grecën i cili vulos dhe këtë fitore të artë duhet thënë për Kastriotin.

Edhe pse në fund të renditjes krutanët janë vetëm 4 pikë larg Dinamos që është në vend të 7 dhe që po rrezikon shume me këto rezultate.

/Ora News/.