Shoqërohet në polici Bledi Marku, gazetari pjesë e protestës së banorëve të Laprakës. Ja momenti
Nga OraNews Përditësimi i fundit 31 Janar 2022, 18:36
Gazetari Bledi Marku, i cili ishte në protestën e e zhvilluar ditën e sotme nga banorët e “5 Majit” dhe Laprakës është shoqëruar në polici.
Mësohet se bashkë me Markun janë shoqëruar edhe 4 persona të tjerë. Ndërkohë Ora News, sjellë edhe momentin nga shoqërimi i gazetarit.
Banorët e "5 Majit" dhe të zonës së Laprakës sot nisën sërish një tjetër protestë, kundër shembjes së banesave të tyre.
Ata bllokuan kryqëzimin e “5 Majit” pranë Medresesë, ndërkohë që mes tyre dhe policisë ka pasur dhe përplasje.
Më 19 janar IKMT ndërmori aksionin për prishjen e banesave në zonën e 5 majit në Tiranë duke i hapur rrugën procesit të rindërtimit.
Shkatërrimi i banesave u shoqërua me rovolta nga ana e banorëve të cilët që prej asaj dite kanë ndërmarrë një sërë protestash.
