Nisin reshjet e para të borës në qytetin bregdetar të Vlorës
Nga OraNews Përditësimi i fundit 22 Janar 2022, 18:22
Reshjet e borës kanë zbritur mbrëmjen e së shtunës nga veriu dhe zonat malore të Shqipërisë deri në jug të vendit, në qytetin e Vlorës dhe Fierit.
Ndërkohë problem shfaqën edhe zonat në Juglindje të vendit.
Në qarkun e Korçës temperatura më e ulët u shënua mëngjesin e së shtunës deri në -18 gradë Celsius.
Të gjitha akset nacionale atje janë të hapura, ndërsa trashësia e borës varion nga 10cm deri në 40 cm në fshatin Dardhë.
Fshati Panarit vijon të jetë i bllokuar.
Gjithashtu edhe veriu i Shqipërisë është mbuluar nga bora.
Ngricat kanë përfshirë qarkun e Dibrës. Pjesa më e madhe e fshatrave në zonat e thella të Lurës, Selishtës, Kalasë së Dodës, Sllovës, Krastës, Ostrenit, Trebishtit, janë të izoluar dhe rrugët janë ende të pa hapura.
Për shkak të ngricave një pjesë e qytetit të Peshkopisë dhe Bulqizës kanë mungesë të ujit të pijshëm pas ngrirjes së tubacioneve.
Ndërkohë shumë akse në këtë qarkun e janë të kalueshme vetëm me zinxhirë.
