Nano nga Kukësi kërkon marrjen e masave për parandalimin e trafikut të lëndëve narkotike
Nga OraNews Përditësimi i fundit 21 Janar 2022, 15:05
Kukësi ka qenë ndalesa e radhës e Drejtorit të Përgjithshëm të Policisë Gledis Nano. Në analizën e komisariatit ai u ndal në masat për parandalimin e kalimit të paligjshëm të kufirit dhe trafiqeve.
"Ajo që synojmë të arrijmë në një nivel më të lartë të rezultateve që është dominimi nga policia e shtetit e gjithë situatës të kriminalitetit në qarkun Kukës, parandalimi dhe lufta pa kompromis të lëndëve narkotike, tregtimi dhe më pas trafikimi i tyre," tha Nano.
Edhe pse jemi në janar, Nano kërkoi nisjen e përgatitjes për sezonin turistik.
"Ritheksoj të gjithë angazhimin e policisë së shtetit për të krijuar ambientin sa më të sigurt për gjithë qytetarët e qarkut Kukës dhe për gjithë turistët që frekuentojnë këtë vend," tha Nano.
Në analizën e bërë është vlerësuar angazhimi në kapjen e autoreve qe kane kryer vepra te ndryshme penale.
