FOTOLAJM/ 8 janari 2022 do të mbahet mend gjatë për demokratët PD
Nga OraNews Përditësimi i fundit 8 Janar 2022, 19:33
Qindra mbështetës të Sali Berishës, protestuan sot në selinë e Partisë Demokratike, në një revoltë kundër Lulzim Bashës.
Por protesta e thirrur nga Sali Berisha përpara selisë së Partisë Demokratike u kthye në përleshje mes mbështësve të Bashës dhe protestuesve të Berishës.
Në disa ambiente të selisë, nga dyert dhe dritaret është hedhur pluhur nga fikëse zjarri nga mbështetësit e Bashës për të frenuar hyrjen e protestuesve të Berishës.
Dhjetë persona kanë mbetur të lënduar nga protesta e sotme në selinë e PD, 4 prej të lënduarve janë trajtuar te Trauma.
Ndërkohë pak më parë në një konferencë për mediet Sali Berisha paralajmëroi sërish protesta në vijim, duke thënë se Basha sot nxori më shëmtuar se kurrë fytyrën e tij para shqiptarëve.
Në të njëjtën kohë Basha në një konferencë për media tha se Berisha dhe organizata e tij kriminale dështuan që të nënshtronin selinë e PD-së.
Në konferencën për mediet, ai tha se Berisha me mjete terroriste kërkoi që të merrte selinë për t’i shpëtuar non-gratës nga SHBA.
FOTO: LSA
