Skandali me nxjerrjen e pagave, Rama: Të hetohet çdo inspektor me akses në databaze
Nga OraNews Përditësimi i fundit 23 Dhjetor 2021, 13:19
Kryeministri Edi Rama kërkoi hetim të plotë dhe të thellë nga ekspertë të fushës të skandalit të rrjedhjes së të dhënave të pagave të 637 mijë shqiptarëve. Rama shprehet i sigurtë se nuk kemi të bëjmë me një sulm të jashtëm por me një infiltrim dhe atë që e quan ‘shfrytëzim kriminal”
“Është jashtëzakonisht e rendësishme të bëhet një hetim i thellë dhe ekspertë të fushës. Të thirren e të pyeten e të merren në hetim të gjithë inspektorët që kanë akses. Ky është sistem i hapur pune. Dhe meqë sistemi lë gjurmë për çdo ndërhyrje, atëherë mundësia e inflitrimit dhe shfrytëzimit kriminal të sistemi përmes veprimeve mekanike është shumë e lartë. Këtu kemi të bëjmë me faktorin njerëzor."
“Block chain”
Rama shtoi se nga sot Agjencia Kombëtare e Shoqërisë së Informacionit E bën të pamundur çdo lloj veprimi edhe manual. Çdo veprim digital lë gjurmë dhe është e regjistruar dhe çdo tërheqje e të dhënave është e pamundur.
Ndërkohë drejtoresha e AKSHI Agjencisë Kombëtare e Shoqërisë së Informacionit, Mirlinda Karçanaj, kërkoi të qetësonte shqiptarët se sistemi i E- Albania është sistem i sigurtë.
“E- Albania është sistem i sigurtë dhe nuk ka lidhje me asnjë rrjedhje informacione, të përdorin të sigurtë 1112 shërbimet që janë në e-albania
