Elbasan/ Makina del nga rruga e përfundon në arë, humb jetën 21-vjeçari
Nga OraNews Përditësimi i fundit 7 Dhjetor 2021, 12:24
Tri viktima janë shënuar në vendin tonë nga aksidentet rrugore gjatë dy ditëve të para të kësaj jave. Një 21-vjeçar humbi jetën në Elbasan, një 66-vjeçar në Tiranë dhe një 71-vjeçar në Lezhë në ngjarjet rrugore. Pakujdesia e drejtuesve të mjeteve dhe lagjështira besohet se janë shkaktarët kryesor të këtyre ngjarjeve.
Aksidentet rrugore në vend shkaktuan 3 viktima në dy ditët e para të javës. Mesditën e së martës në aksin Elbasan-Librazhd, makina e drejtuar nga një 21-vjeçar doli nga rruga.
Fatkeqësisht nga aksidenti humbi jetën i riu Rei Palloshi, i cili po drejtonte mejtin.
Siç duket edhe nga pamjet makina është përplasur me bordurën mbrojtëse dhe ka bërë disa rrotullime.
Pavarësisht ndërhyrjes së banorëve të zonës dhe policisë, 21- vjeçari Rei Palloshi nuk i mbijetoi dot plagëve.
Një tjetër ngjarje rrugore u shënua paraditen e së martës në Kavajë, ku viktimë mbeti Sulejman Goseni. 66-vjeçari u përplas nga një mjet i cili drejtohej nga Reis Hasa në autostradë.
Ndërkohë mbrëmjen e së hënës në Torovicë të Lezhës viktimë e aksidentit mbeti një i moshuar i idetifikuar si Ndue Sokoli.
Ka qenë 26 vjeçari, Mark Doshi, i cili duke drejtuar automjetin tip "Benz", ka përplasur 71-vjeçarin Ndue Sokoli, këmbësor, i cili për pasojë ka ndërruar jetë.
Pas aksidentit, 26-vjeçari ka braktisur mjetin dhe është larguar nga vendngjarja, ndërsa u arrestua pak orë pasi ai përplasi për vdekje 71-vjeçarin.
Viti 2021 ka shënuar përkeqësim të treguesve në lidhje me sigurinë rrugore pasi nga janari deri në muajn tetor kanë humbur jetën nga aksidentet 165 persona.
