Makina përplaset me motomjetin në Kavajë, humb jetën drejtuesi 66-vjeçar
Nga OraNews Përditësimi i fundit 7 Dhjetor 2021, 10:06
Një aksident me pasojë vdekjen është regjistruar mëngjesin e sotëm në Kavajë.
Ngjarja ka ndodhur rreth orës 09:40, në autostradë, në vendin e quajtur "Bishti i Zhurit", ku mjeti me drejtues shtetasin R. H., ka aksidentuar motomjetin me drejtues shtetasin S. G., 66 vjeç.
Si pasojë e aksidentit, shtetasi S. G., ka humbur jetën në vendngjarje.
Grupi hetimor ndodhet në vendngjarje dhe po punon për sqarimin e rrethanave të aksidentit.
