"Kompleks" shkatërrohet grupi që shpërndante heroinë në Tiranë. I sekuestrojnë milionat
Nga OraNews Përditësimi i fundit 7 Dhjetor 2021, 10:58
Pesë të rinj janë arrestuar pasi akuzohen se në bashkëpunim me njëri-tjetrin, ushtronin aktivitet kriminal në fushën e shpërndarjes së lëndëve narkotike të llojit heroinë dhe cannabis sativa, në zona të ndryshme të Tiranës.
Arrestimi i tyre u krye në kuadër të operacionit të koduar “Kompleksi”
"Gjatë operacionit janë gjetur dhe sekuestruar në cilësinë e provës materiale një armë zjarri e llojit pistoletë, 2.600.000 lekë të rinj dhe 2000 euro të përfituara nga ky aktivitet kriminal, një sasi lënde narkotike heroinë, një pjesë e ndarë në doza gati për shitje, një peshore elektronike që shërbente për peshimin e lëndës narkotike, 10 telefona celular, një automjet që përdorej nga të arrestuarit, për shpërndarjen e lëndës narkotike" informoi paraditen e 7 dhjetorit 2021 policia e Tiranes.
Operacioni policor "Kompleks" vuri në pranga shtetasit:
Xhekson Kolezi, 23 vjeç për veprën penale "Prodhim dhe shitja e narkotikëve" kryer në bashkëpunim
Geraldo Zyberi, 23 vjeç për veprën penale "Prodhim dhe shitja e narkotikëve" kryer në bashkëpunim
Armandi Diçe 30 vjeç për veprën penale "Prodhim dhe shitja e narkotikëve" kryer në bashkëpunim
Emiljan Dyrmishi 26 vjeç për veprën penale "Prodhim dhe shitja e narkotikëve" kryer në bashkëpunim
Shkëlqim Palushi 24 vjeç, për veprën penale "Prodhim dhe shitja e narkotikëve" kryer në bashkëpunim dhe "Armëmbajtja pa leje"
Vijon operacioni për identifikimin dhe kapjen e personave të tjerë të përfshirë, si dhe dokumentimin e plotë të këtij aktiviteti kriminal. Materialet i kaluan prokurorisë së Tiranës.
