Frikë për destabilitetin e rajonit, Shqipëria kërkon ndërhyrjen e NATO-s
Nga OraNews Përditësimi i fundit 1 Dhjetor 2021, 15:09
Shqipëria është e shqetësuar për destabilitetin e Ballkanit Perendimor për shkak të ndërhyrjeve mga fuqitë e treta.
Gjatë ministerialit të NATO-s me dyer të mbyllura, i cili po zhvillohet në Letoni, kryediplomatja shqiptare Olta Xhaçka ka kërkuar me tëpër vëmendje për zhvillimet në rajon nga Aleanca .
Sot ka ardhur koha që të shkohet një hap më përpara duke e përfshirë Ballkanin Perëndimor në Konceptin Strategjik 2022, duke çuar njëkohësisht një sinjal të fortë kundër të gjithë atyre fuqive që po perpiqen të sabotojnë integrimin euroatlantik, duke nxitur ndasi e destabilitet përmes taktikave hibride.
Gjatë takimit me dyer të mbyllura, ku merr pjesë edhe sekretari amerikan i shtetit, Ministrja Xhaçka nënvizoi rëndësinë e integrimit të plotë Euroatlantik. Shqipëria, Maqedonia e Veriut dhe Mali i Zi janë anëtare të NATO-së, ndërsa Serbia, Kosova dhe Bosnja ende nuk janë bërë pjesë të Aleancës.
