Zjarr në një apartament në katin e katërt në Allias, evakuohen banorët e pallatit
Nga OraNews Përditësimi i fundit 23 Nëntor 2021, 10:33
Një banesë në katin e katërt të një pallati në Allias është përfshirë mëngjesin e sotëm nga zjarri.
Ngjarja ka ndodhur rreth orës 07:58 në vendin e quajtur "Te Katrori".
"Ka rënë zjarr në katin e katërt të një pallati, ku ka vetëm dëme materiale" njoftoi policia.
Shërbimet e Policisë bënë evakuimin e menjëhershëm të banorëve të pallatit, ndërsa forcat zjarrfikëse bënë lokalizimin e flakëve dhe shuarjen e plotë të zjarrit.
Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit.
