Rama e Veliaj thirren për inceneratorët, në komisionin hetimor edhe Arben Ahmetaj, Lefter Koka, Gjiknuri, Agaçi…
Nga OraNews Përditësimi i fundit 2 Nëntor 2021, 20:54
Kryeministri Rama dhe kryebashkiaku i Tiranës, Erjon Veliaj, do të thirren për inceneratorët në Komisionin Hetimor parlametar. I ngritur me kërkesën e Partisë Demokratike, ky komision nisi të martën punën me debate dhe akuza mes deputetëve.
Kryeministri Rama dhe kryebashkiaku i Tiranës, Erjon Veliaj, do të thirren për inceneratorët në Komisionin Hetimor parlametar. I ngritur me kërkesën e Partisë Demokratike, ky Komision nisi të martën punën me debate e akuza mes deputetëve.
Mbledhja e parë e Komisionit Hetimor për inceneratorët nisi me debate të forta mes deputetëve të mazhorancës dhe opozitës.
Tabaku: Mbyllini mikrofonin Felaj.
Felaj: Jam nënkryetare e komisionit dhe nuk mund të dhuinoni mbledhjen duke mos dashur të dëgjoni.
Deputetët e Partisë Demokratike akuzuan qeverinë për abuzime teksa thanë se do t'i shkojnë deri në fund hetimit të kësaj çështjeje.
Përplasje pati edhe për rregulloren që duhet t`i binden anëtarët e komisionit.
Tabaku: Ta harrojë kush që ky komision do bëhet mburojë për afera kriminale.
Këlliçi: Duhet të nisim punën nga shkuarja në terren për të parë këto inceneratorë fantazmë që nuk ekzistojnë.
Felaj: Se kam ndërtuar karrierën time duke gënjyer.
Kryetarja, Jorida Tabaku, bëri me dije se mes atye që do të dëshmojnë në Komision do të jetë edhe kryeministri Rama.
Tabaku: Do japin llogari nga i pari te i fundit.
Komisioni Hetimor për inceneratorët u ngrit me kërkesën e opozitës ndërsa puna e tij do të zgjasë deri në 28 janar të vitit të ardhshëm.
