Dënohet me 37 vite burg banda shqiptare që furnizonte Anglinë me kanabis (emrat)
Nga OraNews Përditësimi i fundit 1 Nëntor 2021, 13:34
Banda shqiptare që drejtonte një fabrikë droge në Mbretërinë e Bashkuar është dënuar ne total me 37 vite burg, pasi anëtarët e të cilës u shpallën fajtorë për prodhimin dhe shpërndarje droge.
Banda përbëhet nga 11 anëtarë, 10 prej të cilëve shqiptarë.
Policia angleze ka arrestuar shqiptarët që prej tetorit të 2018-ës, nën akuzën për trafikim dhe kultivim të lëndëve narkotike.
Sipas medieve të huaja, policia angleze ka bastisur shtëpinë e barit të shqiptarëve, ku ka sekuestruar kanabis, e cila nëse shitje do ti ofronte trafikantëve të drogës 1.5 milion paund në vit.
Ata furnizonin me kanabis zona të ndryshme të Anglisë. Gjatë aksionit të policisë u shkatërruan më shumë se 485 bimë kanabis si dhe u sekuestruan 61 mijë paund.
Policia ra në gjurmët e bandës shqiptare në tetor të 2019, ku Drilon Dishi u ndalua nga policët, ku pas kontrollit në makinë e tij u gjet një bllok shënimesh që përdorej si regjistër.
Nga ky bllok shënimesh Policia mori detaje nga aktiviteti kriminal i grupit.
Hetimet më pas zbuluan të gjithë rrjetin e kriminelëve.
Të dënuarit janë:
Hekuran Perhati, 33 vjeç, nga Victoria Crescent, Ashford (pesë vjet e shtatë muaj dënim)
Ndue Paluca, 29 vjeç, nga Maple Street, Sheerness (10 muaj)
Klevis Prenga, 33 vjeç, pa adresë fikse (katër vjet)
David Toal, 50 vjeç, nga Ëaterside në London Colney, Herts (katër vjet)
Dashmair Disha, 34 vjeç, pa adresë fikse; (10 muaj)
Yiber Perhati, Rainham, Londra lindore (pesë vjet)
Fation Perhati, 29 vjeç, nga Mungo Park Road në Rainham, në lindje të Londrës; (tre vjet, gjashtë muaj)
Doris Perhati, 24 vjeç, nga Week Street, Maidstone (Pesë vjet e tre muaj)
Brooklyn Selita, 19 vjeç, nga Falcon Way në Harrow, Londra e Madhe, i cili gjithashtu u dënua për posedim të kokainës me qëllim (pesë vjet)
Kejvi Leba, 20 vjeç, nga Mill Lane, Watton-at-Stone (17 muaj)
Adrian Toma, 23 vjeç, pa adresë fikse (19 muaj)
