Shkollat në Shkodër do të hapen me 250 nxënës më pak, 23 mësues të infektuar me Covid
Nga OraNews Përditësimi i fundit 21 Shtator 2021, 22:01
"Ju thoni do bëjmë shkolla të reja. Ore nuk kemi nxënës, fëmijët kanë ikur, kanë ikur të gjithë ën emigrim," kështu u shpreh deputeti i Lushnjes në Kuvend.
Dhe jo vetëm në Lushnje. Edhe në qarkun e Shkodrës vihet re i njëjti fenomen dhe ku në vitin e ri shkollor që nis javën tjetër do të ulen 250 fëmijë më pak. Uljen më të madhe të numrit të nxënësve do ta kenë klasat e para.
"Mund të kemi rënie të numrit të nxënësve, por nuk kemi mbyllje të klasave të shkollave. Bëhet fjalë për zonat rurale, kurse në qytet kemi udhëzim përkatës për hapjen e numrit të nxënësve për çdo paralele."
Dhe ndër arsyet e uljes së numrit të nxënësve janë lëvizja demografike ose emigracioni.
"Deri tani rreth 250 nxënës kemi nga statistikat më pak, por në këtë shifër nuk është i përfshirë arsimi profesional."
Ndërkohë 90% e arsimtarëve në shkollat publike në Shkodër kanë marrë dozat e vaksinës.
Aktualisht në Shkodër janë 23 mësues të infektuar me Covid, ndërsa procesi i rregullt mësimor do të nisë me 27 shtator./OraNews/
