Shpërthen bombola e gazit në banesë, tre të plagosur në Durrës, mes tyre 17-vjeçarja
Nga OraNews Përditësimi i fundit 16 Shtator 2021, 19:46
Nje bombol gazi ka shpërthyer duke lënë të plagosur tre persona në familjen e Qefajet Musait në Xhafzotaj të Durrësit.
Blutë e qytetit bëjnë me dije se ngjarja ndodhi rreth këtë të enjte rreth orës 19:15, ndërsa burime bëjnë me dije se së bashku me kryefamiljarin, ka mbetur e plagosur motra e tij Bukurie Maksuti dhe vajza 17-vjeçare.
Të plagosur kanë mbetur shtetasit Q. M., 60 vjeç, B. M., 45 vjeçe dhe B. M., 17 vjeçe.
"Më datë 16.09.2021, në orën 19:15, në Xhafzotaj, Durrës, dyshohet si pasojë e shpërthimit e një bombule gazi në banesë, janë lënduar shtetasit Q. M., 60 vjeç, B. M., 45 vjeçe dhe B. M., 17 vjeçe, banues në Xhafzotaj, Shijak, të cilët ndodhen nën kujdesin e mjekëve."- njofton policia.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
