Ndjesa e Berishës: Demokratët më thonë se nuk e duan, po e mbajtën Bashën se e mbështeta unë
Nga OraNews Përditësimi i fundit 16 Shtator 2021, 18:57
Për Sali Berishën, demokratët i kanë thënë se nuk e kanë dashur kurrë Bashën, por e kanë mbështetur sepse e ka bërë Berisha
Sipas tij, çdo anëtar i PD-së duhet ta dijë se kam qenë avokat i tyre për çdo gjë që ata kanë menduar, duke theksuar se nuk do të kthehet në krye të PD-së.
Berisha: Unë kërkoj ndjesë publike. Kam këto ditë që takohem me demokratë ndryshëm, dhe them se nga të gjithë më kanë thënë hapur, se Bashën nuk e kanë dashur, por e kanë mbështetur se e mbështet doktori. Kjo mund tu duket çudi, por në këto përmasa nuk e njihja një gjë të tillë. Unë i kisha mbyllur hesapet dhe bëja punët e mia vetëm për interes të PD-së.
Cdo anëtar i PD-së duhet ta dijë se kam qenë avokat i tyre për çdo gjë që ata kanë menduar. Nuk jam pajtuar asnjëherë, sepse si njeri i betuar që nuk kthehem më, pasi jam nisur pa kthim. Jam betuar që nëse njeri mbetet, i dyti do të jem unë, prandaj nuk më takonte që të zgjidhja. Humbi në 2017, i kam thënë jep dorëheqjen. Më tha nuk e jap.
