Rama rikthehet në Kuvend: Me përdorimin e forcës s’do fitoni asnjëherë me ne. I gatshëm të dëgjoj Bashën
Nga OraNews Përditësimi i fundit 16 Shtator 2021, 18:29
Kryeministri Edi Rama është rikthyer në Kuvend, pasi opozita bllokoi foltoren dhe refuzonte të merrte fjalën pa ardhur keu i qeverisë.
Nga foltorja Kryeministri tha se ishte i detyruar të largohej për arsye pune, pasi pas disa ditësh do të largohet nga Shqipëria, por megjithatë nuk ka thënë se ku.
Ai tha se është i gatshëm të dëgjoj Bashën, ndërkohë shton se nuk u rikthye në Kuvend se kërkoi opozita por që e pa të nevojshme të ishte i pranishëm.
“Dy fjalë ju detyrohem, kam detyrimin të qëndroj në sallë kur për një arsye dhe një tjetër nuk mund të jem në sallë. Shiko keni 2 orë që më kërkoni tani vij do më lini të flas. Së dyti dëgjon e gjithë qeveria këtu dhe sigurisht që një debat i zgjatur me aq humor që është kërkuar nuk mund të jetë një debat i ndjekur nga të gjithë dhe gjithçka që ka interes për ne shënohet dhe analizohet më pas. Unë nuk erdha në 4 për shkak të ngarkesës së punës si rezultat i paktit që pasnesër duhet të largohem për shumë ditë dhe për këtë arsye janë shumë detyra për tu ndjekur. Megjithatë kur mora mesazhin nga kryetarja që ju kishi ngritur çështjen që të jem i pranishëm gjatë fjalës së kryetarit të PD thashë që do vij në.
Ju bllokuat foltoren dhe ajo që thashë dhe më parë dhe po e përsëris, me të keq me akte që vënë përpara forcën fizike përdorimin e trupit si pengese me ne as nuk keni fituar asnjëherë dhe as nuk do të fitoni asnjëherë. Jam i gatshëm ta dëgjoj Bashën. I dëgjoj atyre që thashë sot dhe po iu them e gjykova të drejtë kërkesën tuaj të jem këtu sot por skam asnjë detyrim kushtetues dhe ligjor që të qëndroj këtu kur mendoni ju se duhet të qëndroj dhe sa mendoni ju që duhet të qëndroj. Unë ju thashë që do jem në 5 dhe ju bllokuat foltoren, u detyrova të pres që ju ti hapni rrugë arsyes dhe ja ku më keni. Do iu krijoj kushte të favorshme psikologjike”, tha Rama./ Ora News/
