Festë në Aler Luxury Resort në Durrës për 30-vjetorin e pavarësisë së Ukrainës
Nga OraNews Përditësimi i fundit 25 Gusht 2021, 15:18
24 gushti shënon pavarësinë e Ukrainës nga ish-Bashkimi Sovjetik. Përvjetori i 30 i themelimit të shtetit modern u kremtua në Durrës në një festë të organizuar nga Konsulli i Nderit në Shqipëri, Bledi Bajraktari.
30-vjetori i Pavarësisë së Ukrainës u festua edhe në Shqipëri.
Një mbrëmje festive u organizua në Aler Luxury Resort në Durrës nga Konsulli i Nderit i Ukrainës në Shqipëri, Bledi Bajraktari.
Ambasadori i parë rezident i Ukrainës në Shqipëri, vlerësoi marrëdhëniet mes dy vendeve dhe potencialet e larta të bashkëpunimit.
"Në 30 vite Ukraina ka shënuar shumë arritje dhe vështirësi, ku një prej pikave më të nxehta mbetet ajo e pushtimit të Krimesë. I jemi falenderues Shqipërisë për qëndrimet e qarta në mbështetje të Ukrainës. Dua të theksoj se dy vendet tona kanë potenciale edhe më të mëdha bashkëpunimi dhe një miqësi të mirë. Ky event u zhvillua falë konsullit tonë të nderit, dhe ishte një shfaqje e diplomacisë së kulturës".
Konsulli i Nderit i Ukrainës, Bledi Bajraktari, që bashkë me bashkëshortën sjellin çdo vit mijëra turistë në Shqipëri janë kthyer në ura bashkëpunimi mes dy vendeve.
Aler Luxury Resort në Durrës u kthye në një oaz festiv mbrëmjen e 24 gushtit, duke bërë bashkë shqiptarët dhe ukrainasit
