Afganistan/ Vajzat i rikthehen shkollës në Herat
Nga OraNews Përditësimi i fundit 18 Gusht 2021, 19:48
Vetëm disa ditë pasi talibanët morën kontrollin e Afganistanit, ka raportime se në qytetin perëndimor të Heratit, vajzat janë kthyer në shkollë.
AFP raporton se në korridoret e shkollës është dëgjuar zëri i vajz
ave, teksa bisedojnë, një skenë për të cilën shumë kishin frikë se do të ndalohej nën pushtetin e talibanëve.
Kur talibanët morën nën kontroll Afganistanin në vitet 1990, grave dhe vajzave u mohohej arsimi dhe punësimi.
"Ne duam të përparojmë si vendet e tjera," tha studenti Roqia për AFP.
“Ne shpresojmë që talibanët të ruajnë sigurinë. Nuk duam luftë, duam paqe në vendin tonë.”
Shefi i operacioneve në terren i agjencisë së Kombeve të Bashkuara për fëmijë (Unicef) shprehu optimizëm në lidhje me talibanët, duke cituar shprehjet e tyre të hershme të mbështetjes për arsimin e vajzave.
"Ne kemi diskutime të vazhdueshme. Jemi mjaft optimistë bazuar në ato diskutime," tha shefi i operacioneve në terren të Unicef në Afganistan, Mustapha Ben Messaoud, në një konferencë të OKB -së, duke shtuar se 11 nga 13 zyrat në terren ishin aktualisht funksionale.
