Pamje të rënda/ Premtuan paqe, talibanët nisin dhunën në Afganistan, gra e fëmijë të gjakosur
Nga OraNews Përditësimi i fundit 18 Gusht 2021, 12:09
Përfaqësuesit talibanë ditën e djeshme mbajtën fjalimin e parë për popullin nëpërmjet një konference për shtyp në praninë e medieve.
Zëdhënësi, Zabihullah Mujahid, tha se gratë do të gëzojnë të drejta sipas sheriatit, ligjit islam. Ai tha se qeveria e mëparshme ishte e paaftë dhe së ata duhet të hynin në Kabul, duke nënvizuar se konflikti ka mbaruar.
"Ne duam të sigurohemi që Afganistani mos të jetë më një fushë beteje konflikti", tha zëdhënësi taliban.
"Ne i kemi falur të gjithë ata që kanë luftuar kundër nesh. Armiqësive u ka ardhur fundi. Nuk duam armiq të jashtëm apo të brendshëm," shtoi zëdhënësi Zabihullah Mujahid.
Por duket se mesazhi i tyre për paqe nuk ka zgjatur shumë.
Marcus Yam, një fotograf dhe një korrespondent i huaj për gazetën LA Times, ka rrëfyer një incident ku ai ishte dëshmitar pranë aeroportit të Kabulit të martën.
Yam tha se ai ishte dëshmitar i dhjetëra talibanëve që gjuanin në ajër me armë kundër turmave, dhe duke përdorur shkopinj, litarë e mjete të tjera për të goditur civilët.
Imazhet që ai kapi tregojnë të paktën një grua të lënduar dhe një fëmijë të vogël të gjakosur.
Yam gjithashtu shkroi se ai ishte fshikulluar në këmbë duke fotografuar skenën, shkruan BBC.
*GRAPHIC WARNING* Taliban fighters use gunfire, whips, sticks and sharp objects to maintain crowd control over thousands of Afghans who continue to wait for a way out, on airport road. At least half dozen were wounded while I was there, including a woman and her child. #Kabul pic.twitter.com/a2KzNPx07R
— Marcus Yam 文火 (@yamphoto) August 17, 2021
