Rritet bilanci i viktimave nga tërmeti në Haiti: Gati 2.000 të vdekur, 10.000 të plagosur

Nga OraNews Përditësimi i fundit 18 Gusht 2021, 16:41

Të paktën 1,941 persona kanë vdekur në Haiti, si pasojë e tërmetit të  fuqishëm, qe ndodhi të shtunën, 14 gusht. BBC raporton se ekipet shpëtimit kanë arritur të shpëtojnë 34 persona nga rrënojat, por shumë prej tyre ende rezultojnë të zhdukur pas tërmetit me magnitudë 7.2 Rihter.

Kërkimi për të mbijetuarit është penguar nga reshjet e dendura të shiut Stuhia Tropikale Grace. Rreth  10,000 njerëz janë plagosur dhe spitalet janë mbingarkuar.

OKB thotë se rreth 500,000 fëmijë  kanë qasje të kufizuar ose aspak në strehim, ujë të pijshëm dhe ushqim.

"Familje të panumërta Haiti që kanë humbur gjithçka për shkak të tërmetit tani po jetojnë me këmbët e tyre në ujë për shkak të përmbytjeve," tha Bruno Maes, përfaqësuesi i Fondit të Fëmijëve të OKB -së (Unicef) në vend.

"Dje [e martë] në mbrëmje, u strehova pranë një kishe, por kur dëgjova lëkundjet e tokës, u ktheva përsëri në çadër" i tha agjencisë së lajmeve AFA banorja e qytetit Magalie Cadet.

Tërmeti me magnitudë 7,2 sipas shkallës Rihter dhe me intensitet 9 ballë e goditi shtetin ishullor të shtunën në mëngjes.

Ndërsa epiqendra ishte qyteza jugore e San-Luis-Dy-Sydit, lëkundjet e forta u ndjenë edhe në kryeqytetin Port-o-Prins, rreth 125 km më tutje, dhe në vendet fqinje.