Mancini: Shumë e vështirë. Nuk luajtëm mirë dhe ende nuk ka mbaruar
Nga OraNews Përditësimi i fundit 7 Korrik 2021, 00:02
Me këmbë në tokë si gjithmonë u shfaq Roberto Mancini në komentin e shpejtë në fund të ndeshjes me Spanjën ku Italia fitoi falë llotarisë së penalltive.
Trajneri italian e pranon se loja e tyre nuk ishte në nivelin duhur por me rëndësi ka kualifikimi.
"Këto janë penalltitë. Ndeshje shumë e vështirë. Spanja është një ekip i madh dhe ata luajnë shumë mirë. Ne nuk bëmë një ndeshje të mirë, jo si zakonisht por e dinim se do të duhej të vuanim."
Zgjedhja e Luis Enrique për të mos luajtur me qendërsulmues?
"Ata na vunë në vështirësi në fillim dhe më vonë gjetëm koordinatat e duhura dhe nuk rrezikuam shumë. Ishte një ndeshje shumë shumë e vështirë."
Ndeshje e fituar alla italiane?
"Skuadrat e futbollit sulmojnë dhe mbrohen. Ne patëm mundësi të shënonim gola si ata. Ishte një ndeshje mes dy skuadrave të mëdha dhe shumë të forta."
Meritat e Mancinit?
"Meritat janë të djemve, por nuk ka mbaruar ende. Ne duhet të rikuperojmë forcat që mbetën dhe të luajmë finalen e madhe”, përfundoi trajneri i të kaltërve.
