Nis trajnimi për 27 hetuesit e BKH në Itali
Nga Alba Kepi Përditësimi i fundit 7 Qershor 2021, 15:51
Ka nisur sot në Itali trajnimi për 27 trupa policore shqiptare të Byrosë Kombëtare të Hetimit.
Të pranishëm ishin sot Drejtori i Policisë kriminale Italiane, Prefekti Vittorio Rizzi, Drejtori i Antimafias Italiane Maurizio Vallone, kreu i Prokurorisë Speciale Shqiptare Alban Kraja e Drejtoresha e National Bureau of Investigation, Aida Hajnaj.
Shqipëria është ndër vendet ekstra europiane me numrin më të lartë të personave aktivë të shpallur në kërkim nga drejtësia italiane e të kapur në territorin shqiptar e në vendin e dytë ndër vendet ekstra europiane për persona pasivë të shpallur në kërkim nga drejtësia shqiptare e të kapur në Itali.
Gjatë 2020 janë arrestuar 68 persona të shpallur në kërkim e gjatë 5 muajve të 2021 janë arrestuar 47 të kërkuar nga drejtësia e dy vendeve.
Ndër këta, autoritetet italiane kanë zbardhur emrat e shqiptarëve Nikolla DURA e Rajmond HOXHAJ. I pari i dënuar me burgim të përjetshëm e HOXHAJ me 22 vite burg për trafik droge.
Gjatë vitit 2020 janë kryer 28 ekstradime nga Shqipëria në Itali e në këto pesë muaj të parë të 2021 janë kryer 22 ekstradime.
