Atentati ndaj Shkëlzen Velajt/ Autori me kapele e maskë të zezë, 2 automatikë në makinën e djegur
Nga Edi Ruçi Përditësimi i fundit 4 Qershor 2021, 10:44
Ekzekutori i 42 vjeçarit Altin (Shkëlzen )Velaj, mbrëmjen e 2 qershorit 2021 në derë të banesës së tij në Vlorë, mund të jetë kryer nga një person i vetëm i cili është ndihmuar nga të paktën dy të tjerë.
Vrasësi mbante në kokë kapele dhe maskë të zezë anti kovid dhe pasi u zbulua e ndoqi objektin me kallashnikov në dorë nga para pallatit ku Velaj la makinën e ndezur.
Nga kati i katërt qëlloi me breshëri plumbash ndaj 42 vjeçarit që kishte mbërritur në derën e banesës së tij një kat më lart dhe thërriste të emën ti hapte derën.
Shkëlzen Velaj mori rreth 15 plumba në trup, të cilat i shkaktuan vdekjen në Spital.
Autori ka zbritur sërish me armë në dorë dhe pranë pallatit e priste makina tip BMË, ku dyshohet se e prisnin edhe dy persona të tjerë.
Automjeti u dogj 20 minuta pas krimit në fshatin Risili dhe brenda saj u zbuluan dy armë zjarri Kallashnikov, të cilët janë dërguar për ekspertizë.
Prej aty ata humbën gjurmët dhe pavarësisht kontrolleve nga forcat Speciale RENEA që u përqëndruan në Selenicë por ende nuk ka zyrtarisht asnjë të dyshuar në pranga.
Vrasja e Shkëlzen Velaj dyshohet se është një krim me pagesë ndërsa motivet që qëndrojnë pas besohet se janë përplasjet e vjetra mes grupeve kriminale në qytetin bregdetar.
Ai ishte vëllai i Ardi Velaj, i vrarë në atë që njihet si masakrën e Çoles, ngjarje e 7 prillit 2015 ku u ekzekutuan edhe Albi Limaj e Haki Rakipi.
Për krimin u dënuan Aleksandër Llanaj, me burgim të përjetshëm, si edhe Bertil Aliaj e Ani Begaj me nga 35 vjet burgim.
