Anija japoneze përplaset me rusen, tre të vdekur
Nga OraNews Përditësimi i fundit 26 Maj 2021, 12:23
Tre anëtarë të ekuipazhit të një anijeje peshkimi japoneze vdiqën të mërkurën, 26 maj pas një përplasjeje me një anije ruse në Detin Okhotsk, në veri të ishullit Hokkaido të Japonisë, thanë zyrtarët.
Anija japoneze u përmbys pas përplasjes.
Anija ruse e mallrave shpëtoi pesë anëtarët e ekuipazhit, por tre u konfirmuan të vdekur pasi mbërritën në portin e Mombetsu, tha zëdhënësi i qeverisë japoneze Katsunobu Kato.
Transmetuesi japonez NHK identifikoi anijen japoneze si "Daihachi Hokko Maru" 9.7 ton, me qendër në Mombetsu, dhe transportuesin e mallrave 666 ton "Amur", të regjistruar në Nevelsk në ishullin Sakhalin të Rusisë.
Të dy anijet u përplasën rreth orës 6 të mëngjesit rreth 20 kilometra (12 milje) në veri të Mombetsu. Amuri ishte nisur nga Sakhalin të martën, 25 maj dhe po transportonte gaforre në portin Japonez, raporton The Washington post.
