Shpërthen në flakë anija me 25 ton acid nitrik në bord, evakuohen anëtarët e ekuipazhit
Nga OraNews Përditësimi i fundit 26 Maj 2021, 07:37
Anija me kontejnerë "Ex-Press Pearl", e cila po udhëtonte nga India për në Sri Lanka, u trondit nga një shpërthim. Anija që mbante 25 tonë acid nitrik mori flakë afër portit të Colombo.
Në një deklaratë, Autoriteti i Mbrojtjes së Mjedisit Detar të Sri Lanka (MEPA) paralajmëroi rreptësisht njerëzit që të mos prekin ose hapin paketat ose materialet dhe u kërkoi atyre të kontaktonin Marinën e Sri Lanka ose policinë kur të shihnin ndonjë prej këtyre artikujve.
Ekipet e shpëtimit evakuuan të gjithë ekuipazhin nga anija kontejner në brigjet e Sri Lanka ndërsa dy persona u plagosën, tha sot zëdhënësi i marinës së Sri Lankës, Indica de Silva.
Anija kontejnerë "X-Press Pearl" e regjistruar nën flamurin e Singaporit, mbante 25 tonë acid nitrik dhe disa kimikate dhe produkte kozmetike të tjerë nga porti i Hazira.
Nga e marta në mbrëmje, 25 maj marina e Sri Lanka tha se zjarri tani po përhapej në skajin e katërt.
Zjarri përkeqësohej nga erërat e forta për shkak të ndryshimit të kushteve të motit.
Më tej marina paralajmëroi komunitetin e peshkimit për të shmangur zonën e detit ku anija po digjej.
