Shpërthim me tritol në shtëpinë e drejtuesit politik të PD Shijak, reagon selia blu
Nga OraNews Përditësimi i fundit 24 Maj 2021, 12:36
Partia Demokratike ka reaguar lidhur me sulmin me tritol në shtëpinë e drejtuesit politik të PD në Shijak.
PD shprehet se është një ngjarje e rëndë që kërkon vënien menjëherë para përgjegjësisë të autorëve.
Reagimi i plotë:
"Partia Demokratike ka ndjekur me shqetësim informacionin për sulmin me lëndë plasëse në banesën e drejtuesit të Partisë Demokratike në qytetin e Shijakut.
Duke i shprehur të gjithë solidaritetin familjes Vora, ne e konsideruar këtë akt kriminal të papranueshëm, të rëndë dhe kërkojmë zbardhjen pa vonesa të kësaj ngjarje dhe vënien menjëherë përpara përgjegjësisë të autorëve.
Ngjarje të rënda si kjo dhe aktet kriminale të kohëve të fundit, janë thirrje ulëritëse për organet ligjzbatuese për të vepruar me shpejtësi, profesionalizën dhe paanësi për mbrojtjen e rendit dhe sigurisë publike, si dhe jetës e pronës së qytetarëve."
