Grabitën banesën dhe dhunuan çiftin në Lezhë, policia identifikon dhe shpall në kërkim një nga autorët
Nga OraNews Përditësimi i fundit 24 Maj 2021, 12:02
Policia e Lezhës ka bërë të mundur identifikimin e njërit prej grabitësve të dyshuar në qytetin e Lezhës në banesën e shtetasit Gjergj Doçi.
Autoritetet policore bënë të mundur mundur identifikimin dhe shpalljen në kërkim të shtetasit P. D.,23 vjeç, banues në Spiten, Lezhë.
Policia informon se po punon për ndalimin e 23-vjeçarit P. D. dhe për identifikimin dhe kapjen e autorit tjetër të dyshuar si i implikuar në këtë ngjarje, me qëllim vënien e tyre përpara përgjegjësisë ligjore dhe dokumentimin e plotë të kësaj ngjarjeje.
Materialet në ngarkim të tyre i kaluan Prokurorisë Lezhë, për veprën penale “Vjedhja me dhunë” kryer në bashkëpunim.
