Aksident në aksin Korçë-Pogradec, polici i kufirit përplas me makinë këmbësorin, SHÇBA nis hetimet

Nga OraNews Përditësimi i fundit 6 Maj 2021, 11:30

Një aksident rrugor është regjistruar në aksin rrugor Korçë-Pogradec, pranë fshatit Zvirinë, ku një makinë policie përplasi një të moshuar që po kalonte rrugën.

78-vjeçari, Dylber Dervishi, sipas policisë mori plagë por ndodhet jashtë rrezikur për jetën në Spitalin e Korçës.

Ndërkohë, Sali Nezha, punonjësi i Stacionit të Policisë Kufitare Qafë-Thanë që përplasi këmbësorin është shoqëruar në komisariat për sqarimin e rrethanave të aksidentit.

Hetimet për policin po ndiqen nga Shërbimi për Çështjet e Brendshme dhe Ankesat, nën drejtimin e Prokurorisë Korçë.