Mbushën kamionçinën me hekur te ish-uzina, hajdutët kapen"mat", njëri qëllon me gurë makinën e policisë

Nga OraNews Përditësimi i fundit 6 Maj 2021, 10:05

Dy të rinj kanë rënë në prangat e policisë së Kurbinit për vjedhjen e hekurit  tek ish-uzina në Laç.

Të arrestuarit janë G. A., 25 vjeç dhe R. L., 32 banues në Kurbin, me precedentë të mëparshëm kriminal në fushën e armëmbajtjes pa leje dhe të vjedhjes. 

"Këta shtetas janë kapur në flagrancë nga shërbimet e Policisë, me mjetin tip kamionçinë me drejtues shtetasin G. A. dhe pasagjer shtetasin R. L., të ngarkuar me hekur, të cilin e kishin vjedhur tek ish-uzina në Laç"njoftoi policia. 

Gjatë shoqërimit të tyre në Komisariatin e Policisë Kurbin, shtetasi R. L. ka dëmtuar me gurë  automjetin e Policisë. 

Materialet i kaluan Prokurorisë së Rrethit Gjyqësor Kurbin, për veprime të mëtejshme, për veprën penale "Vjedhja” kryer në bashkëpunim dhe "Shkatërrimi  i pronës".