Shemben rrugët në Baldushk, në izolim disa fshatra
Nga OraNews Përditësimi i fundit 1 Shkurt 2021, 19:32
Si pasojë e reshjeve është shembur një pjesë e rrugës që lidh fshatrat Vesi dhe Parret duke izoluar disa banorë të njësisë administrative Baldushk.
Përroi ka marrë gjysmën e rrugës, ku kalimi me makina në këtë segment është i pamundur.
Por jo vetëm automjetet dhe qytetarët që kalojnë janë të rrezikuar pasi rruga mund të shembet sërish.
Ndonëse kryebashkiaku Veliaj disa herë ka premtuar që periferisë së qytetit do ti kushtojë vëmendje, një gjë e tillë nuk ka ndodhur.
Fshatrat Vesi, Parret e të tjerat rreth zonës janë lënë më rrugë të amortizuara, ku gropat në kohë me shi kthehen në pellgje.
Një tjetër problem i zonës është dhe ura në fshatin Kakunj.
Dërrasat e kalbura, të cilat lëvizin, janë shqetësimi i banorëve ndaj dhe kërkojnë marrjen e masave sa më parë.
