Covid-19 në vend: Rritet numri i viktimave, raportohen 865 raste të reja

Nga OraNews Përditësimi i fundit 1 Shkurt 2021, 17:02

13 viktima dhe 865 raste të reja ishte bilanci i koronavirusit 24 orët e fundit. Pavarësisht situatës kritike Komiteti Teknik i Ekspertëve nuk ndërmorri masa të reja por kërkoi respektimin e atyre që mbeten në fuqi.

Muaji shkurt nisi me numër të lartë viktimash dhe të infektuarish nga koronavirusi, duke ruajtur kurbën rritëse të nisur dy javët e fundit të janarit.

13 persona humbën jetën gjatë 24 orëve të fundit, mes tyre edhe mjeku nga Skrapari Muharrem Nonaj, duke e çuar numrin e përgjithshëm të viktimave në 1 mijë e 393.

Të hënën u zbuluan 865 persona të prekur me koronavirus, të cilët u identifikuan nga kryerja e 2 mijë e 960 testimeve.

Në 24 orët e fundit janë shëruar 498 qytetarë, duke e çuar numrin e të shëruarve 47,922 që nga fillimi i epidemisë.

Numri i lartë i infektimeve është reflektuar edhe në shtimin e pacientëve të shtruar në spitalet Covid ku aktualisht po trajtohen 365 persona, 25 në terapi intensive nga të cilët 9 pacientë janë të intubuar.

Situatën kritike e pohuan përmes shifrave edhe ekspertët e Komitetit Teknik.

Edhe pse gjendja po shkon drejt përkeqësimit Komiteti Teknik nuk propozoi asnjë masë të re por kërkoi respektimin e masave në fuqi.

Sa i përket universiteteve, Komiteti njoftoi se është duke shqyrtuar kërkesën për zhvillimin e provimeve në auditore dhe vendimi do të publikohet gjatë kësaj jave.

COVID-19 – Statistika (1 Shkurt 2021)

Raste të reja ditore        865

Të shëruar në 24 orë     498

Të shtruar në spitale     365

Humbje jete në 24 orë   13

Testime ditore                2960

Testime totale            361,453

Raste pozitive             78,992

Raste të shëruara        47,922

Raste Aktive                29,677

Humbje jete                 1393

Shpërndarja gjeografike e rasteve aktive sipas qarqeve:

Tiranë   17052

Fier                        2405

Durrës                  1629

Shkodër               1453

Vlorë     1382

Elbasan                  1348

Lezhë    1051

Korçë                    936

Berat     921

Gjirokastër 608

Kukës    468

Dibër     424

Lexo edhe:

“Moment delikat”, edhe moshat e reja me covid në spitale me forma të rënduara të shëndetit

Vaksinat/ Rama: Sot në darkë mbërrijnë dozat, kush do vaksinohet paralelisht me mjekët e infermierët