55-vjeçari kërcënoi se do hidhej nga shtylla e tensionit të lartë, e zbret policia
Nga OraNews Përditësimi i fundit 16 Mars 2016, 18:18
Një 55-vjeçar vuri në alarm policinë e Korçës sot, pasi kishte hipur mbi një shtyllë elektrike dhe kërcënonte se do të hidhej.Ngjarja u regjistrua në fshatin Shën Gjergj, ku shtetasi Dh. Jani ishte ngjitur në një shtyllë të tensionit të lartë dhe kërcënonte se do hidhet.Menjëherë në vendngjarje shkuan forcat e Policisë dhe të Zjarrfikëses për të negociuar me këtë shtetas, ku fatmirësisht u arrit që 55-vjeçari të zbritej në tokë.Nga hetimet paraprake, dyshohet se shkak për këtë veprim, mund të jetë gjendja e rënduar emocionale e tij. 
