Angelina Jolie viziton kampin e refugjatëve sirian në Liban
Nga OraNews Përditësimi i fundit 16 Mars 2016, 15:32
Aktorja me famë botërore, Angelina Jolie ka mbërritur në një kamp refugjatësh në luginën Beka në Liban, si e dërguara e posaçme e Komisionarit për refugjatë të Kombeve të Bashkuara. E prekur nga gjendja e vështirë në të cilën ka parë refugjatët ajo u ka bërë thirrje fuqive botërore që t’i japin fund luftës 5-vjeçare në Siri dhe t’u vijnë në ndihmë miliona njerëzve që kanë ikur në përpjekje për t’i shpëtuar konfliktit.Jolie: “Lutja ime sot është për qeveritë në gjithë botën, që të tregojnë lidership, të analizojnë situatën dhe të kuptojnë saktësisht se çfarë mund të bëjnë vendet e tyre, sa refugjatë mund të ndihmojnë, në cilat komunitete dhe me cilin afat kohor, t’iu shpjegojnë qytetarëve të tyre dhe të adresojnë frikat e tyre”.Aktorja Angelina Jolie, është solidarizuar me shumë histori njerëzore të përmasave të tilla, duke u ardhur në ndihmë njerëzve në nevojë dhe duke dëshmuar humanizëm dhe mbështetje për ta. Ajo është një personazh mjaft i dashur për opinionin publik dhe ka majft ndikim.Miliona refugjatë sirianë janë vendosur në Turqi, Liban dhe Jordani.Evropa po ashtu po përballet me krizën më të rëndë me refugjatë që nga Lufta e Dytë Botërore.Javën e kaluar, vendet e Ballkanit kanë mbyllur kufijtë, duke bërë që mijëra refugjatë, të cilët kanë arritur nga Turqia në Greqi, të mbeten të bllokuar në qytetet greke.
