5 Maji, krerët e shtetit dhe të politikës homazhe te “Nënë Shqipëri”
Nga OraNews Përditësimi i fundit 5 Maj 2013, 10:07
Krerët më të lartë të shtetit dhe të politikës shqiptare nderuan sot me respekt dhe përulje dëshmorët që ranë për atdheun, pikërisht në ditën kushtuar atyre, 5 Majin.Si maxhoranca dhe opozita, ndonëse në ceremoni të ndara, zhvilluan homazhe në Varrezat e Dëshmorëve, duke vendosur kurora me lule në memorialin “Nënë Shqipëri”.Fillimisht në Varrezat e Dëshmorëve në Tiranë kanë kryer homazhe drejtues të lartë të shtetit, me në krye presidentin Bujar Nishani.Presidenti Nishani, kryeparlamentarja Topalli, kryeministri Berisha, ministri i mbrojtjes Arben Imami, kryebashkaku Basha dhe prefekti Kletis Kruja kanë vendosur kurora me lule dhe janë përkulur me nderim para monumentin “Nënë Shqipëri” në shenjë respekti e mirënjohje për dhëshmorët që dhanë jetën për atdheun.
