Greqi dorëzohet kësti prej 2.8 miliardë euro
Nga OraNews Përditësimi i fundit 4 Maj 2013, 14:48
Qeveria Greke ka marrë shumën prej 2,8 miliard euro nga Bashkimi Europian, duke përfunduar kështu pakon prej 50 miliardë euro të miratuar në Nëntorin e kaluar.Sipas shtypit grek, dorëzania përfundon lëvrimin e paketës prej 50 miliard euro, dhe ka ardhur pasi parlamenti grek ka miratuar projektligjin e fundit të reformave dhe masave të kursimit.Projektligji i miratuar nga parlamenti në fund të muajit Prill ishte pika e fundit e reformave dhe masave të kursimit, si kusht për marrjen e dy kësteve të radhës me vlerë prej 8.8 miliardë euro nga kreditorët e huaj.Me këtë projektligjit u miratua pushimi nga puna i më shumë se 15 000 nënpunësve të administratës civile deri në vitin 2014, privatizimi i shumë organizmave shtetërorë dhe gjysëm shtetërorë apo mbyllja e tyre, taksa të reja mbi pronën private, rritja e orëve të mësimit për mësuesit. Synimi i tij ishte krijimi i një shteti modern më pak të kushtueshëm që do të risjellë në rrugën e zhvillimit ekonominë e rrënuar të vendit.Ndërsa kjo është hera e katërt që Greqia aprovon në Parlament masat shtrënguese dhe reforma që prej vitit 2010, kur kërkoi ndihmë nga FMN dhe BE, pasi rrezikonte falimentimin dhe daljen nga zona e Euros.Qeveria greke do të mbidhet në Eurogrupin e 13 Majit me qëllim që të arrijë të marrë miratimin e këstit të rradhës prej 6mld euro. Fondi Monetar Ndërkombëtarë, Bashkimi Europian dhe Banka qëndrore Europiane pritet të arpovojnë dorzaninë për qeverinë helene.
