Greqi, grevë 24 orëshe kundër masave të kursimit
Nga OraNews Përditësimi i fundit 1 Maj 2013, 11:32
Një grevë e përgjithshme 24 orëshe kundër masave shtrënguese ka nisur në Greqi, me sindikatat që bëjnë thirrje për mobilizim masiv të protestuesve.Ky veprim pritet të ndërpres shërbimet publike, duke përfshirë transportin dhe spitalet. Organizatorët janë duke kërkuar dhënien fund të shkurtimeve të shpenzimeve dhe rritjen e taksave.Qeveria thotë se masat janë të nevojshme për nxjerrë vendin nga një krizë e thellë financiare.Kryeministri greke Antonis Samaras thotë se politikat e ndjekura janë pjesë e lëvizjeve të vazhdueshme për të siguruar më shumë para shpëtimi nga kreditorët ndërkombëtarë.Grevë filloi zyrtarisht të martën në mesnatë për të shënuar ditën e punës 1 majin. Demonstratat janë planifikuar në të gjithë vendin,e ndërsa policia është në gadishmëri për një përsëritje të dhunës së kaluar. Të dy sindikatat më të mëdha në vend kanë thënë se ky veprimi do të përqëndrohet në kërkesat për t'i dhënë fund masave shtrënguese.Ata thonë se masat e qeverisë kanë rritur normën e papunësisë nw vendit, me një shifër rekord prej 27%, e ndërsa 60% e tyre janë të rinj. Kryeministri Samaras ka mbrojtur politikat e tij, duke këmbëngulur se ky vit i recesionit do të jetë e fundit për vendin.Protesta për ditën e 1 majit janë duke u zhvilluar në të gjithë botën:Protestuesit kërkojnë ekzekutimin e pronarëve të fabrikës ku qindra njerëz vdiqen pas shembjes në Bangladesh.Mijëra filipinas marshuan në Manila duke i kërkuar qeverisë të mbrojë vendet e punës dhe të përmirësojë kontratat e punës.Punëtorët në Kamboxhia u mblodhën në Phnom Penh, duke bërë thirrje për rroga më të larta. Mijëra marshuan në kryeqytetin e Indonezisë, Xhakarta, duke protestuar për rrogat e ulëta. Sindikatat mbajtën demonstrata në Tokio, me thirrjet për më shumë punësim për të rinjtë.
