John Newman në Tiranë për Natën e Bardhë

Nga OraNews Përditësimi i fundit 11 Nëntor 2015, 15:25

Artisti i njohur britanik, John Newman, ka lajmëruar në profilin e tij social se do të jetë i pranishëm në Tiranë për të festuar natën e bardhë.

Kjo është surpriza e parë që zbulohet për festimet e Natës së Bardhë ndër shumë organizime të tjera që Bashkia e Tiranës po përgatitur për këtë ditë

. “Shqipëri! Do të jem në Tiranë më 29 nëntor për të festuar Ditën e Çlirimit dhe Natën e Bardhë. Shpresoj t’ju shikoj atje”, shkruan Newman në profilin e tij zyrtar në Twitter.

 Lajmin për mbërritjen e artistit të njohur e ka konfirmuar edhe kryetari i Bashkisë së Tiranës, Erion Veliaj.

 “Pas JessieJ, këtë vit do të na bashkohet për festimet e Natës së Bardhë artisti tjetër i famshëm britanik John Newman. Shpërndaje lajmin dhe sill çdo shok e shoqe në Tiranë në datë 29 Nëntor”, shkruan Veliaj.

Më 29 nëntor Bashkia e Tiranës ka njoftuar se do të jetë një ditë pa makina dhe do të festohet nata e bardhë me koncerte, muzikë, filma artistikë dhe argëtim.

joh newman

/Oranews.tv/