Forcat e Armatosura shpërthejnë malin që rrezikon banorët e fshatit Sutaj
Nga OraNews Përditësimi i fundit 4 Nëntor 2015, 22:31
Forcat e Armatosura të Shqipërisë kanë ndërmarrë një angazhim jetik për banorët e fshatit Sutaj në Prrenjas.Ministrja e Mbrojtjes, Mimi Kodheli, nëpërmjet një postimi në rrjetin social Facebook, njofton se xhenierët e forcave të armatosura kanë nisur shpërthimin e masivit shkëmbor që rrezikon pronën e banorët e fshatit Sutaj, të cilët janë evakuuar plotësisht.Kodheli shkruan se “terreni i thyer ka bërë që të lidhur, xhenierët t'i ngjiten malit me pajisjet në krah për të arritur qëllimin: sigurimin e banorëve dhe pronës së tyre”.Në fund të postimit, ministrja shkruan se “Forcat e Armatosura janë gjithnjë në ndihmë të qytetarëve”.
