"E dua Vlorën" koncerti i bamirësisë në ndihmë të familjeve të përmbytura
Nga OraNews Përditësimi i fundit 4 Nëntor 2015, 16:54
"E dua Vlorën" një mbrëmje bamirësie ka mbledhur në një skenë gazetarë, artistë të këtij qyteti.Salla e teatrit "Petro Marko" u mbush plot mbrëmjen e të hënës dhe të ardhurat e biletave do ti kalojnë për ndihmë familjeve të prekura nga përmbytjet.Shfaqja u drejtua nga gazetari Enrik Mehmeti ndërsa performuan këngëtarë si Aurela Gaçe, Revolt Klan , Kurorat Fiks, Parodistët e Vlorës.Nga skena u përcollën mesazhe solidariteti për familjet të cilat u prekën nga përmbytjet e fundit.Organizatorët u shprehën se një aktivitet i tillë nuk do të jetë i vetmi por ky është vetëm fillimi.Gazetari Mehmeti apeloi në skenë për të dhënë kontributin të gjithë ata që kanë mundësi, jo vetem ne rastin e permbytjeve ku qindra familje po përjetojnë vështirësi të medha.Të ardhurat e mbledhura nga shitja e biletave do tu shpërndahet këtë fundjavë familjeve në nevojë. Ky aktivitet u mbështet dhe nga disa subjekte private.
/Oranews.tv/
