I riu belg lë boten moderne për të jetuar xhungël
Nga OraNews Përditësimi i fundit 9 Gusht 2015, 10:23
Për 31 vjet, Angelo Valkenborg ka bërë një jetë normale me një punë të mirë, një grua dhe një shtëpi të bukur.Pastaj, papritmas diçka ndodhi në jetën e tij të përditshme dhe kuptoi që ajo që po jetonte nuk ishte çka dëshironte me të vërtetë.Ai ishte një vizitor i rregullt i kurseve të mbijetesës në natyrë, dhe kështu u nis për një ekspeditë tre-javore në pyjet e Slloverisë Veriore dhe kuptoi që pasioni për “jetën e egër” nuk ecte përkrah jetës së tij rutinë.Pas dështimit të martesës, i riu belg ra në një periudhë depresioni, që u intensifikua më shumë edhe kur gjëra në punë nuk po shkonin aq mirë sa duhet.Kështu Angelo, vendosi të linte gjithçka e të kthehej në pyll. Shiti shtëpinë, përshëndeti ish-gruan e tij, së cilës i la një nga dy qentë që kishte, dhe u kthye në pyllin e Sllovenisë, ku kishte filluar një jetë të re tashmë.Sot, Angelo jeton në një kasolle, ushqehet me manaferrat, hithra e bretkosa, ndërsa mishin arrin ta sigurojë nga ndonjë fshat të afërt, sepse gjuetia pa liçensë është e ndaluar. Nga jeta e tij e vjetër, Angelo ka marrë vetëm një makinë , për ta përdorur në raste emergjente, dhe smartphone-in e tij që karikohet me energji diellore.Teknologjia, thotë aim, i shërben për të azhornuar blogun e tij Becomingwildman, ku i mëson të tjerëve teknika për mbijetesën në natyrë dhe publikon vazhdimisht foto.
