DokuFest, Festivali i filmit me metrazh të shkurtër mbahet në Prizren
Nga OraNews Përditësimi i fundit 3 Gusht 2015, 17:11
Rreth 200 filma nga 3000 që kanë aplikuar do të prezantohen në Festivalin Ndërkombëtar të Filmit Dokumentar dhe me metrazh te Shkurtër DokuFest, i cili do të zhvillohet në Prizren nga datat 08-16 gusht.Pesë filma janë përzgjedhur që të shfaqen edhe në Tiranë, ndaj për Ministren e Kulturës Mirela Kumbaro DokuFest është finalizim i angazhimit të ndërmarrë nga qeveritë e dy vendeve Shqipëri- Kosovë për kalendarin e përbashkët artistic.Kumbaro:“DokuFest bën pjesë në kalendarin e përbashkët kulturor të dy qeverive të Shqipërisë dhe Kosovës, si një ndër gurët më të rëndësishëm të këtij kalendari i cili nuk kufizohet vetëm në shfaqje të filmave por shtrihet edhe përtej datave të festivalit dhe përtej Prizrenit” .Migracioni është përzgjedhur si tema kryesore e Festivalit për këtë edicion të 14, një temë sa kombëtare aq edhe globale.Drejtori Artistik i DokuFest rrëfen disa nga surprizat e Festivalit.Veton Nurkollari:“Ne me një program të veçantë do të provojmë të dëshmojmë që emigracioni mund të jetë dhe pozitiv. Ne do provojmë ta shtjellojmë temën e emigracionit jo vetëm me filma por edhe panele, diskutime, do ti dedikojmë kështu emigracionit pozitiv”.Festivali Ndërkombëtar i Filmit Dokumentar dhe të Shkurtër DokuFest ka një faturë financiare prej rreth 270 mijë eurosh, e cila për drejtuesit është më e ulët në krahasim me vitet e shkuara.
