Akuza e Doshit, Berisha: Më e rënda në 25 vite, Prokuroria të hetojë
Nga OraNewsPërditësimi i fundit 2 Mars 2015, 18:28
Ish-kryeministri, Sali Berisha, e ka cilësuar deklaratën e deputetit Tom Doshit si më të rëndën në 25 vitet e fundit. Përmes një reagimi në fb, Berisha e konsideron akuzën e Doshit si një ogur të zi për stabilitetin e vendit.Ish-Kryeministri i vendit i bën thirrje Prokurorisë të hetojë akuzat dhe të vendosë para ligjit çdo person të implikuar në skenare kriminale.Ndërsa nuk mungon dhe thirrja drejtuar qytetarëve për tu ngritur fuqishëm dhe për të shpëtuar vendin, siç thotë Berisha, nga klika e vrasësve në krye të pushtetit.Ja deklarata e plote e Berishes:
Akuza e Tom Doshit se Meta - Rama planifikuan vrasjen e dy deputeteve, eshte me e renda ne 25 vitet e fundit!!
Te dashur miq, akuzat se Ilir Meta dhe Edi Rama planifikuan vrasjen e dy deputeteve te parlamentit shqiptar, jane akuzat me te renda publike ne tere historine e pluralizmit shqiptar. Deputeti Doshi pohon se kryetari i Parlamentit te vendit, Ilir Meta, ne marreveshje me Edi Ramen, ka paguar per vrasjen pra eleminimin fizik te tij dhe deputetit te PD Mhill Fufi. Doshi njoftoi para mediave se per akuzen e tij, me e renda 25 vitet e fundit, disponon fakte te cilat ai i ka paraqitur brenda dhe jashte vendit.
Personalisht kam degjuar dhe denoncuar ne Parlament per perpjekje te drejtuesve te mazhorances per eleminim te eksponenteve te saj. Por akuzat tronditese te deputetit Tom Doshi, i njohur per miqesine e ngushte me Ramen por edhe Meten, se kryetari aktual i Parlamentit me porosi apo pelqim te Rames ka paguar para per vrasjen e tij dhe te deputetit te PD, Mehill Fufi, jane nje ogur i zi per stabilitetin e vendit.Duke denuar me ashpersine me te madhe cdo perpjekje per te eleminuar fizikisht deputetet e Parlamentit pavaresisht nga spektri i tyre politik, theksoj me kete rast se sipas ketyre akuzave klika ne pushtet projekton destabilizimin e Shqiperise! I bej thirrje prokurorise se shtetit te hetoje me perparesi, guxim dhe pergjegjesi te larte akuzat e renda per vrasje politike me pagese nga kreu i parlamentit, me porosi ose miratim te kreut te qeverise dhe te vendos para ligjit cdo person te implikuarbne skenare kriminale. Ju bej thirrje qytetareve te vendit te ngrihemi fuqishem per te shpetuar vendin nga klika e vrasesve ne krye te pushtetit!! sb
